Yaponiya hukumati Shimoliy Koreyaning tutayotgan yo‘lini nomaqbul deb hisoblashini bildirdi

Yaponiya hukumati KXDR o‘zini yadro quroli bor mamlakat sifatida e'tirof etishini nomaqbul deb hisoblamoqda. Bu haqda Yaponiya Vazirlar Mahkamasining bosh kotibi Yesixide Suga ma'lum qilgan.

"Shimoliy Koreyaning BMT Xavfsizlik Kengashining barcha rezolyutsiyalarini bajarishi zarur va ustuvor masala hisoblanadi. Biz shimolliklarning hozirgi pozitsiyalarini nomaqbul deb hisoblaymiz", - deb ta'kidladi Suga Shimoliy Koreya yetakchisi Kim Chen Inning o‘z mamlakatini yadro quroliga ega mamlakat deb hisoblashiga javoban.

Ayni damda Yaponiya hukumati “Shimoliy Koreya ustidan kuchli monitoring olib bormoqda va doim ogoh bo‘lib turibdi”. Chunki KXDRda ayni damlarda yangi yadro quroli ustida ish olib borilayotgan bo‘lishi mumkin, deyiladi ma'lumotda.