Rossiya AQShni Suriyada tinch aholining o‘nlab vakillari nobud bo‘lishida aybladi

AQSh yetakchiligidagi xalqaro koalitsiya tomonidan Suriyadagi nishonlarga zarba berilishi oqibatida, so‘nggi hafta mobaynida o‘nlab tinch aholi vakillari halok bo‘lgan. Bu haqda, Rossiyaning BMTdagi doimiy vakili o‘rinbosari Yevgeniy Zagaynov tashkilot Xavfsizlik Kengashidagi chiqishida ma'lum qildi, deb xabar qilmoqda RIA Novosti.

U, shuningdek, maktablar, shifoxonalar va bosh ko‘plab fuqarolik infratuzilmalari binolarining vayron bo‘lganini qayd etgan. 

Suriya TIV ma'lumotlariga ko‘ra, 29-iyul kuni Gandura qishlog‘iga koalitsiya zarbasi berilishi oqibatida, 45 nafar tinch aholi vakili qurbon bo‘lgan, yana 50 kishi jarohatlangan. 19-iyulda xalqaro koalitsiya aviatsiyasi Tuxan-al-Kubro qishlog‘i uzra amaliyot o‘tkazishi natijasida 300 kishi hayotdan ko‘z yumgan, yuzdan ortiq odam jabrlangan.