Ford va Baidu haydovchisiz avtomobillarga sarmoya kiritadi

Amerikaning Ford avtomobilsozlik kompaniyasi 2021 yilga borib muqobil transport vositalarini ishlab chiqarish bo‘yicha rejasini e'lon qildi. Yangi harakatlanish vositalari, kompaniyaga ko‘ra, tom ma'noda muqobil bo‘ladi. Uning na ruli, na tormoz va yoki gaz pedali bo‘ladi. 

Biroq, xulosa qilishga shoshilmang. Chunki, dastlab Ford muqobil mashinalari harakatlanadigan hudud keskin chegaralanadi. Kompaniya vitse-prezidenti Ken Vashingtonning so‘zlariga ko‘ra, ushbu mashinalarning haakati uchun hududni tanlashda, uning geografik joylashuvi hamda iqlimi e'tiborga olinadi. 

Birinchi navbatda Ford kompaniyasining muqobil mashinalari Shimoliy Amerika ko‘chalarida paydo bo‘ladi. Biroq, kompaniya bu bilan chegaralanib qolish niyatida emas. Hozircha, muqobil mashinalarning qanday ko‘rinishda bo‘lishi ham ma'lum emas. Vashingtonning so‘zlariga ko‘ra, ular Ford Fusion negizida ishlab chiqarilishi mumkin. 

Avtomobilsozlik kompaniyasi 2021-yilda belgilangan rejani to‘liq amalga oshirish maqsadida haydovchisiz boshqariladigan startaplarga sarmoya kiritishni rejalashtirmoqda. 17-avgust kuni ma'lum bo‘lishicha, Amerika kompaniyasi Xitoyning yirik internet qidiruv xizmati Baidu bilan hamkorlikda Amerikaning Velodyne LiDAR Inc kompaniyasiga 150 mln dollar miqdorida sarmoya kiritadi. Bu kompaniya yuqori aniqlikdagi sensorlar va radarlarni ishlab chiqarish bilan shug‘ullanadi. 

Lidar texnologiyasi harakatlanayotgan avtomobil atrofidagi vaziyatni baholash, xususan to‘siqlarni aniqlash uchun lazerdan foydalanishni ko‘zda tutadi.