Meksikada sodir bo‘lgan YTH oqibatida sakkiz kishi nobud bo‘ldi, 53 kishi jabrlandi

Meksikada avtobus, ikkita yengil avtomobil va yuk mashinasining to‘qnashib ketishi oqibatida sakkiz kishi halok bo‘ldi, 35 kishi jarohat oldi. Bu haqda RIA «Novosti» xabar bermoqda.

Aniqlashtirilishicha, YTH Puerto-Penyasko va Sonoyta shaharlari orasidagi shosseda yuz bergan. Jarohatlanganlardan olti nafarining ahvoli og‘ir, halok bo‘lganlar orasida uch nafar bola bor.

Fojia sababchisi ikkita yengil avtomobilning to‘qnashib ketishi deya baholanmoqda. Ulardan o‘zini olib qochishga harakat qilgan yuk mashinasi haydovchisi avtobus kelayotgan qarama qarshi yo‘lga chiqib ketgan.