Rio-2016. Medal olgan delegatsiyalar soni 87tani tashkil qilib, Olimpiada tarixidagi rekord qayd etildi

Ayni vaqtga kelib Rio-de-Janeyro Olimpiadasida kamida bitta bronza medal olgan delegatsiyalar soni 87tani tashkil qilmoqda. Bu esa Olimpiadalar tarixidagi rekord natija hisoblanadi. Bu haqda Gracenote nashri xabar berdi.

20 avgust kuni Tojikiston vakili Dilshod Nazarov bosqon uloqtirishda oltin medal olgach, medalli delegatsiyalar soni 86taga yetgandi. Shu kuni taekvondochi Issuf Abdulrazzoq Nigerga kumush medal olib kelgach, reytingdagi jamoalar soni 87taga oshdi.

Ayni vaqtda medallar soni bo‘yicha umumiy reytingda AQSh terma jamoasi jami 116ta medal (43-37-36) bilan muddatidan oldin birinchilikni kafolatlarb bo‘lgan.