15:48 / 22.08.2016
14164

Tolibonlar Afg‘oniston shimoli-sharqidagi tumanni egallab olishdi

Afg‘oniston shimoli-sharqidagi Toxar viloyatida, shu bilan birga Tojikiston chegarasida joylashgan Kvaja Har tumani “Tolibon” harakati jangarilari tomonidan bosib olindi.

Muzofot matbuot kotibi Sunatullo Temuriyning mahalliy nashrlarga xabar berishicha, hukumat erta tongda tuman ustidan nazoratni yo‘qotgan.

Kvaja Har tumani Qunduz viloyati bilan chegarada joylashgan. Undan 60 km uzoqlikda esa Xonobod tumani bor. Ushbu tuman ham o‘tgan hafta shanba kuni tolibonlar tomonidan bosib olingan edi. Ammo hukumat ertasi kuni tuman qaytarib olinganini ma'lum qilgan edi.
 

Top