O‘rta Yer dengizidan 6 muhojirning jasadi topildi

O‘rta Yer dengizida Yevropaga yetib olish yo‘lida halok bo‘lgan 6 kishining jasadi topildi. Italiya sohilbo‘yi xizmati dushanba kuni Liviya qirg‘oqlari yaqinida cho‘kib ketgan kemaning 500 nafarga yaqin yo‘lovchisini qutqarib qolgan.

"Tirik qolganlarni va jasadlarni qidirish ishlari davom ettirilmoqda", deyilgan xabarda.

Yevropa ayni vaqtda Ikkinchi jahon urushidan buyon eng jiddiy davrni boshdan kechirmoqda. Ayni vaqtda qit'ada muhojirlik inqirozi yuzaga kelgan.

Avgust oyi oxirida Migratsiya ishlari bo‘yicha xalqaro tashkilot (IOM) yil boshidan buyon Yevropaga O‘rta Yer dengizi orqali 263 ming qochqin (shundan 160 mingdan ortig‘i Gretsiyaga, 100 mingdan ortig‘i Italiyaga) kelgani haqida ma'lum qilgandi.