Suriyadagi bombardimonlarda "Jibhad an-Nusra"ning harbiy yetakchisi yo‘q qilindi

"Jibhad Fath al-Shom" (avvalgi nomi "Jibhad an-Nusra") terrorchilik guruhining harbiy yetakchisi Abu Umar Sarakib bir necha dala qo‘mondonlari bilan Suriyaning Halab shahridan g‘arbda joylashgan Kfar-Naxa degan joyda yo‘q qilindi. 

Ta'kidlanishicha, jangari aviazarba natijasida yo‘q qilingan. Sarakib Suriya hukumat qo‘shinlariga qarshi 2012 yildan beri jang qilib kelgan, joriy yilning 31 iyulida Halab janubi va janubi-g‘arbidagi qo‘shinlar pozitsiyalariga boshlangan jangarilar hujumini tashkillashtirgan. Qo‘shinlarga jangarilar hujumini qaytarish va boy berilgan hududlarni qaytarib olish uchun bir oy talab qilingan.