Sarkozi terrorchilik masalalari bo‘yicha sud tuzishni taklif qildi

Fransiyaning sobiq prezidenti Nikolya Sarkozi Fransiyada terrorchilik masalalari bo‘yicha maxsus sud tuzishni taklif qildi. U bu haqda Le Journal du Dimanche nashriga bergan intervyusida aytib o‘tdi. 

"Terrorchilik masalalari bo‘yicha maxsus sud yaratish kerak, shuningdek tegishli prokuratura yaratishni ham taklif qilaman. Terrorchilik bilan kurash bu masala bo‘yicha qarorlar maxsus huquqshunoslar tomonidan qabul qilinishini talab qiladi", deb aytdi Sarkozi.
 
Sarkozi terrorchilikka aloqadorlikda gumon qilinganlar saqlanadigan markaz yaratishni ham taklif qildi. Siyosatchining fikricha, sudlangan terrorchilarni alohida qamoq kameralariga joylashtirish lozim. 

Sarkozining fikricha, amaldagi prezident Fransua Olland hukumati mamlakat fuqarolarini terrorchilik xavfidan himoya qilish uchun yetarlicha sa'y-harakatlar qabul qilmayapti.