Yoqilg‘i tashuvchi yuk samolyoti Indoneziyada orqa shassisiz qo‘nishni amalga oshirdi. Favqulodda vaziyat natijasida havo kemasi ekipaji jabr ko‘rmadi. Bu haqida voqea videosini namoyish qilgan Reuters agentligi xabar berdi.
BBC Indonesia bergan ma'lumotga ko‘ra, favqulodda hodisa 13 sentabr kuni Papua provinsiyasidagi Vamena shahri aeroportida sodir bo‘lgan. Trigana Air Service aviakompaniyasining samolyoti 14 tonna yoqilg‘i bilan qo‘nib, yana ikki kilometr qo‘nish maydonida harakatlangan.
