Suriya armiyasi 7 kunlik sukut tartibini kiritdi

Suriya qurolli kuchlari qo‘mondonligi mamlakatning butun hududi bo‘ylab 7 kunlik sukut tartibini kiritdi. Bu haqda Sana yangiliklar agentligi 12 sentabrda ma'lum qildi.  

Agentlik ma'lumotlariga ko‘ra, o‘t ochish mahalliy vaqt bilan 12 sentabr soat 19:00 dan 18 sentabrgacha to‘xtatiladi. Bunda hukumat armiyasi qurollangan guruhlar tomonidan tartibning istalgan buzilishi uchun javob berishga tayyor.

10 sentabrda Rossiya tashqi ishlar vaziri Sergey Lavrov va AQSh Davlat kotibi Jon Kerri Suriyadagi vaziyatni tinchlik bilan tartibga solish rejasini ma'qulladilar. Moskva va Vashington Suriya ixtilofining barcha tomonlarini jangovor harakatlarni to‘xtatish tartibini 12 sentabrdan qo‘llab-quvvatlashga chaqirdi, shu bilan birga terrorchilarga qarshi kurash davom etaveradi. Kerrining aytishicha, o‘t ochishni to‘xtatish tartibini Halabga tatbiq qilish lozim.