Avgustda Italiyaga dengiz orqali 23 ming muhojir yetib kelgan

Italiya hanuzgacha "migratsion bosim" ostida qolmoqda. Avgust oyining o‘zida bu davlatga 23 ming muhojir yetib kelgan, deb Yevropa Ittifoqining tashqi chegaralar xavfsizligi agentligi ma'lumotlarini keltirmoqda RaiNews24 telekanali.    

O‘rta Yer dengizi orqali Italiyaga kelayotganlarning katta qismi nigeriyaliklar, eritreyaliklar va bangladeshliklardir.

Joriy yilning 8 oyi ichida dengiz orqali Italiyaga kelganlar soni 117 ming 900 kishiga yetgan. Bu o‘tgan yildagi ko‘rsatkichlar bilan deyarli bir xil.

Yevropaga tushishni istayotgan noqonuniy muhojirlar hanuz ko‘proq Liviyadan qayiqlarda jo‘natilmoqda.