Bir o‘yinda 43ta gol o‘tkazib yuborgan darvozabon hibsga olindi

Germaniya politsiyasi "Fonderot" jamoasi darvozabonini "Oberxauzen"ga qarshi o‘yindan keyin hibsga oldi. Bu haqda Express xabar berdi.

Mazkur o‘yinda "Fonderot" jamoasi raqibiga 0:43 hisobida imkoniyatni boy bergan. Manba bergan ma'lumotga ko‘ra, o‘yindan bir necha kun o‘tib politsiya xodimlari to‘rtta mashinada klub qarorgohiga tashrif buyurishgan hamda mashg‘ulotda ishlayotgan darvozabon bilan gaplashgan. Shundan keyin u mashinaga o‘tirib, politsiya bilan jo‘nab ketgan.

Hozirda uning qachon hibsdan ozod qilinishi ma'lum emas. "Fonderot" klubi Germaniya chempionatining 7-divizionida ishtirok etadi.