AQSh Boku bilan harbiy hamkorlikni kengaytirmoqchi

AQSh mudofaa vazirining Rossiya, Ukraina va Yevrosiyo ishlari bo‘yicha yordamchisi Maykl Karpenter Ozarbayjon tashqi ishlar vaziri Elmar Mamedyorov bilan uchrashuvda bayonot berishicha, Vashington va Baku uchun harbiy hamkorlikni kengaytirish muhimdir. Bu haqda, Ozarbayjon TIV matbuot xizmati xabar qilmoqda. 

Uchrashuv BMT Bosh Assambleyasi 71-sessiyasi doirasida bo‘lib o‘tgan. 

"Maykl Karpenter Ozarbayjon va AQShning mudofaa sohasidagi o‘zaro hamkorligidan qoniqish bildirgan. U ikki mamlakat o‘rtasidagi mudofaa masalalari bo‘yicha maslahatlashuvlarning muvaffaqiyatini ta'kidlab, mazkur yo‘nalishda hamkorlikni kengaytirish muhimligini qayd etgan", — deyiladi matbuot bayonnomasida. 

Mamedyorov, o‘z navbatida, arman-ozarbayjon, Tog‘li Qorabog‘ muammosini hal etish borasidagi muzokaralar jarayonining borishi haqida ma'lumot bergan.