Italiyada Alitalia kompaniyasi uchuvchilarining 24 soatlik norozilik namoyishlari bo‘lib o‘tmoqda

Italiyaning Alitalia aviakompaniyasi uchuvchi va bort kuzatuvchilari 24 soatli ish tashlash namoyishini o‘tkazishmoqda. Bu haqida Corriere della Sera nashri ma'lum qildi. 

Manbaga ko‘ra, 22 sentabr, payshanba kuni Rimning Fyumichino aeroportida 150 reys bekor qilingan. Bunga 3 professional uyushma – Anpac, Anpav va Usb tomonidan tashkillashtirilgan norozilik aksiyasi sabab bo‘lgan. 

Anpac kasaba uyushmasi saytida aytilishicha, “uchuvchi xodimlarning ishi bilan bog‘liq masalalar”ni hal qilishda kompaniya rahbariyati bilan bir to‘xtamga kela olinmaganidan so‘ng norozilik namoyishi tashkillashtirilgan. 

Iyun oyida Fransiyaning Air France  avikompaniyasi uchuvchilari ish haqini oshirishni talab qilib norozilik namoyishi uyushtirishgandi.