Xokkey bo‘yicha jahon kubogi: Rossiya yarim finalda Kanadaga imkoniyatni boy berdi

Xokkey bo‘yicha jahon kubogining yarim finalida Kanada terma jamoasi Rossiyani 5:3 hisobida yutdi.

Uchrashuv Torontodagi Air Canada Centre muz arenasida bo‘lib o‘tdi. Rossiyaliklar safida shaybalarni Nikita Kucherov (29-daq.), Yevgeniy Kuznetsov (27-daq.) va Artemiy Panarin (60-daq.), kanadaliklarda esa Sidni Krosbi (8-daq.), Bred Marshan (38- va 42-daq.), Kori Perri (46-daq.) va Jon Tavares (50-daq.) kiritdilar.

Shu tariqa Rossiya musobaqani tark etdi, musobaqa qoidalari bo‘yicha 3-o‘rin uchun uchrashuv ko‘zda tutilmagan.

Ikkinchi yarim finalchi Shvetsiya va Yevropa terma jamoalari o‘rtasidagi uchrashuvda aniqlanadi. Uchrashuv 26 sentabrda Toshkent vaqti bilan soat 00:00 da boshlanadi.

Jahon kubogining uchinchi o‘ynalishi Milliy xokkey ligasi va Xalqaro xokkey federatsiyasi homiyligida o‘tkazilmoqda. Musobaqada 8 jamoa ishtirok etib, u Shimoliy Amerika formatidagi maydonlarda Milliy xokkey ligasi qoidalariga ko‘ra o‘tkazilmoqda.