Ukraina mudofaa vazirligi matbuot kotibi Vilen Podgorniyning bayonot berishicha, harbiy ma'muriyat mamlakatda yettinchi safarbarlikni rejalashtirmoqda, deb xabar qilmoqda TSN telekanali.
Podgorniyning so‘zlariga ko‘ra, Ukrainaning Donbassdagi qurolli kuchlariga ayni vaqtda 14 ming nafar harbiy xizmatchi yetishmayapti. Shu bois, armiyani navbatdagi safarbarlik e'lon qilish hisobiga to‘ldirish mumkin.
«Mening bilishimcha, qaror qabul qilingan. Ukraina armiyasiga qo‘shimcha askarlar kerak. Gap 14 ming askar haqida borayapti. Navbatdagi safarbarlik ehtimoli juda katta», — deb ta'kidlagan ma'muriyat vakili.
26 sentabr kuni Ukraina prezidenti Petr Poroshenko oltinchi safarbarlikka chaqirilgan harbiy xizmatchilarga javob beruvchi farmonga imzo chekkan edi.
