AQShda Apple patent qonunchiligini buzgani uchun 300 mln dollardan ziyod jarimaga tortildi

Texas shtati sudi Apple Inc. korporatsiyasini VirnetX Holding Corp. kompaniyasiga taalluqli texnologiyadan noqonuniy foydalangani uchun 302,4 mln dollar jarimaga tortdi. Bu haqda Bloomberg yozmoqda.

Ma'lum qilinshicha, Apple VirnetX kompaniyasiga taalluqli ikkita patent qoidasini buzgan. Ulardan biri FaceTime videoqo‘ng‘iroqlar dasturi bo‘lsa, ikkinchisi abonentga raqamli tizimda telefilmlar va dasturlarni yetkazib beruvchi (VoD) dasturidir.

Nashr ma'lumotiga ko‘ra, VirnetX bir necha bor Apple’ga nisbatan da'vo kiritgan. Masalan, 2012 yilda ham mana shunday holat kuzatilgan edi. O‘shanda Apple 368 mln dollar to‘lashi kerak edi, biroq apellyatsiya sudi bu qarorni rad etgan edi.