Obama Klintonni samolyot bortida bir necha daqiqa kutib turishiga to‘g‘ri keldi

AQSh prezidenti Barak Obama Tel-Avivda samolyot bortida Bill Klintonni bir necha daqiqa kutib turishiga to‘g‘ri keldi. Ushbu holat videosi ABC News telekanali tomonidan tvitterda chop etildi.

Videoda Obama Billni bir necha bor chaqirayotgani, uning e'tiborini tortish uchun chappak chalib chorlayotgani, biroq sobiq prezident unga e'tibor bermayotgani tasvirlangan. 

"Bill! Ketdik! Billi! Yur, uyingga tashlab qo‘yaman", deb chaqirgan Obama Klintonni.

Daily Mail nashri ma'lumotlariga ko‘ra, Obama Klintonni qistagan chog‘da u prezident samolyoti trapi yonida kimdir bilan bamaylixotir gaplashayotgan bo‘lgan.

Klinton va Obama Tel-Avivda Isroilning sobiq prezidenti Shimon Peres dafn marosimida ishtirok etdilar.