Bir nechta yirik kompaniya Samsung Galaxy Note 7 smartfoni savdosini to‘xtatdi

Foto: abcnews

AT&T, Verizon va T-Mobile kompaniyalari Samsung Galaxy Note 7 smartfonini sotish va uni almashtirishni to‘xtatdi, deb xabar bermoqda ABC News.

10 sentabrda AQSh hukumati huzuridagi iste'molchilik mahsulotlari xavfsizligi bo‘yicha komissiyasi iste'molchilardan Samsung Galaxy Note 7’dan foydalanmaslikni so‘radi, chunki qurilma to‘satdan yonib ketishi mumkin. 11 sentabrda smartfon ishlab chiqaruvchi Samsung kompaniyasi mijozlarni Galaxy Note 7’ni tezda qaytib berishga chaqirgan.

Biroq smartfonlarning o‘rniga "xavfsiz" deb berilgan qurilmalar ham alangalangan yoki portlagan.

AT&T’da aniqlangan hodisalar bo‘yicha tergov yakunlanmaguncha eski Galaxy Note 7’ni yangisiga almashtirilmasligi ma'lum qilingan. Shu bilan birga kompaniya smartfon egalarini qurilmani boshqa modeldagi telefonlarga almashtirishga olib kelishga chaqirdi.

T-Mobile va Verizon esa qurilmani sotish va uni almashtirishni to‘xtatdi.