Britaniyada Brexit masalasida qo‘shnilar tortishib qolishi natijasida ulardan biri halok bo‘lgan

Buyuk Britaniyada mamlakatning Yevropa Ittifoqini tark etishini qo‘llab-quvvatlovchi britaniyalik Brexit jarayoniga qarshi qo‘shnisi bilan mushtlashuv natijasida halok bo‘lgan. Bu haqda Independent xabar tarqatdi.

Qayd etilishicha, Grehem Dunn o‘z qo‘shnisi Dunkan Kitingga mamlakat taqdiri masalasida kelib chiqqan bahs vaqtida hujum qilgan. U o‘z raqibini soyabon bilan urib, uning uyini yoqib yubormoqchi bo‘lgan. Kunning ertasiga Kiting o‘z uyida jonsiz holatda topilgan. Tahlillardan keyin uning qonida me'yoridan ortiq alkogol, metadon va kannabis topilgan.

Nashr ma'lumotiga ko‘ra, munozara 25 iyun kuni, ya'ni mamlakatda Brexit bo‘yicha referendum o‘tkazilganidan 2 kun o‘tib ro‘y bergan. Dunn o‘z qo‘shnisi Brexit tarafdori ekanini bilgach, unga hamla qilgan. Dunn Kitingni 15 daqiqa davomida qiynoqlarga solgani aniqlangan. Ularning ikkisi ham bu vaqtda mast holatda bo‘lgan.

Sud Dunnga 4 yilu 5 oylik qamoq jazosi tayinlagan. Lekin sud uni qo‘shnisi qotilligida emas, o‘limga olib kelgan hujum uyushtirganlikda ayblagan.