Foto: The Australian
Filippinning millionlab aholisi "Xaima" nomli kuchli to‘fon yaqinlashishiga hozirlik ko‘rmoqda. Bu haqda G‘arb ommaviy axborot vositalari xabar bergan.
"Biz nafaqat kuchli yomg‘ir va shamol kutyapmiz, balki sohil hududlarida suv toshqinlari, ko‘chkilar va kuchli to‘lqinlar kelishiga ham tayyor turibmiz. Agar siz mazkur hududda yashasangiz, unda xavf ostidasiz. Xavfsiz joy qidiring", - degan Filippin IIV tabiiy ofatlarni muvofiqlashtiruvchi markaz rahbari Allan Tabel.
Mahalliy meteorologiya xizmati ma'lumotiga ko‘ra, to‘fon soatiga 315 kilometrgacha yetadigan kuchli shamol bilan kelmoqda.
To‘fon Filippining shimoliy tumanlariga chorshanba kuni kechqurun yetib kelishi kutilmoqda.
