Foto: Craig Minton
Londonning Tottenxem tumanida ikki qavatli avtobus tomi bilan temir yo‘l ko‘prigiga urilishi oqibatida ko‘plab odamlar jarohat oldi. Bu haqda Sky.News xabar bergan.
Xabarga ko‘ra, voqea 22 oktabr ertalab yuz bergan. To‘qnashuv oqibatida 26 kishi jarohat olgan, ulardan 5 nafari shifoxonaga yetkazilgan, qolganlarga voqea joyida yordam ko‘rsatilgan. Yana 3 kishi avtobusning 2-qavatida siqilib qolgan, ularni chiqarib olishga bir necha soat ketgan.
Jurnalistlarning aytishicha, ikki qavatli avtobus ko‘prik ostidagi oraliqlardan biridan o‘ta olmagan va uning tomi tom ma'noda kesilib ketgan.
