AQSh prezidentligi uchun respublikachilar partiyasi nomzodi Donald Tramp Mo‘sulni IShIDdan ozod qilish bo‘yicha amaliyotga oid o‘z fikrini bildirdi. Uning aytishicha, mazkur jangovar amaliyot yirik musibatdir. Chunki, terrorchilar bu haqda avvaldan bilishgan va u jangarilar uchun kutilmagan hol bo‘lmagan. Bu haqda milliarder Tvitterdagi mikroblogida so‘z yuritgan.
«Mo‘sulga hujum qilish — bu yirik musibatdir. Biz ularni bir necha oy avval ogohlantirdik. AQSh shu qadar ahmoq ko‘rinadi», — deb yozgan Tramp.
U xabarining so‘ngida, AQSh fuqarolarini bo‘lg‘usi saylovlarda o‘zi uchun ovoz berishga chaqirgan. Bu esa, uning saylovchilariga «yana g‘alaba qozonish»ga imkon beradi.
Avvalroq, Iroq QK Mo‘sul shahriga kiraverishdagi so‘nggi aholi punktiga kirgani xabar qilingan edi.
Donald Tramp shuningdek, prezident bo‘lsa, AT&T telekommunikatsiya kompaniyasining Time Warner mediakompaniyasini xarid qilishini ma'qullamasligini aytgandi.
