Video: Yangiyo‘l tumani hududida mikroavtobus yonib ketdi

Toshkent viloyati Yangiyo‘l tumanida yuz bergan yo‘l-transport hodisasi oqibatida Istana rusumli mikroavtobus yonib ketdi. Bu holat tasvirlangan videorolik "Voditeli Tashkenta" guruhi foydalanuvchilari tomonidan tarmoqqa joylangan.

Guvohlarning ma'lum qilishicha, mazkur yo‘l-transport hodisasi 24 oktabr kuni soat 18:00 atrofida «Yangiyo‘l — Toshkent» yo‘lida sodir bo‘lgan.

Videoda Istana mikroavtobusini alanga qamraganini ko‘rish mumkin. Yong‘inni o‘chirish uchun voqea joyiga 2ta o‘t o‘chirish mashinasi yetib kelgan.

YTH sabablari va uning oqibatida jabrlanganlar haqida ma'lumotlar keltirilmagan.