Serbiya mustaqil va suveren davlat hamda u kim bilan harbiy mashg‘ulot o‘tkazadi yoki aloqalarni uzib tashlaydi, buni o‘zi hal etadi, dedi Belgradda mamlakat bosh vaziri o‘rinbosari va TIV rahbari Ivitsa Dachich.
O‘z ichiga aksilterror operatsiyalarida taktik va o‘t ochish vazifalarini olgan, Serbiya, Rossiya va Belarus harbiylari ishtirokida o‘tayotgan “Slavyan birodarligi 2016” xalqaro mashg‘ulotlari 3-9 noyabr kunlari Serbiyada o‘tkaziladi.
Serbiya TIV rahbari mahalliy jurnalistlarning bu ishlarni G‘arb xushlamasligi borasida bergan savollariga javob berar ekan, mamlakat tashqi siyosatda mustaqil harakat olib borishini aytdi.
Serbiya mudofaa vazirligining ma'lumotlariga ko‘ra, hamkorlikdagi taktik-harbiy mashg‘ulotga Rossiyaning 212 nafar desanti, Belarusning 56 nafar harbiy xizmatchisi va Serbiyaning 450 nafar askar va zobitlari ishtirok etadi.
