Android bazasida ishlovchi smartfonlar bozorning 88 foiz ulushini egalladi

Strategy Analytics tadqiqotiga ko‘ra, 2016 yil 3-choragida 10 ta sotilgan smartfondan 9 tasi Android operatsion tizimida ishlovchi smartfonlar bo‘lgan, deb xabar bermoqda CNN Money. 3-chorakda 375,4 mln smartfon sotilgan bo‘lsa, undan 328,6 mln donasi, ya'ni 87,5 foizi Android operatsion tizimi ostida ishlovchi, qolgan 45,5 mln smartfon, ya'ni 12,1 foizi iOS operatsion tizimi ostida ishlovchi smartfonlarga to‘g‘ri kelgan. Qolgan operatsion tizimlar ostida ishlovchi qurilmalarga bozorning 0,3 foizlik ulushi to‘g‘ri kelgan.

2015 yilning 3-choragiga nisbatan Android savdo ko‘rsatkichlarini 12,1 foizga yaxshiladi. Bu asosan BlackBerry kompaniyasi smartfon ishlab chiqarishni to‘xtatgani bilan bog‘langan. Strategy Analytics tadqiqotida ta'kidlanishicha, Apple operatsion tizimi iOS’da ishlovchi smartfonlar AQShda jami smartfonlarning 44 foizini tashkil qilmoqda.