Foto: Getty Images
Yevropada xavfsizlik va hamkorlik tashkiloti kuzatuvchilari AQShda prezidentlik saylovlari o‘tkazilishi vaqtida mayda qoidabuzarliklarga yo‘l qo‘yilganini qayd qilishdi. Bu haqda Sputnik axborot agentligiga YeXHTning Parlament Assambleyasi sobiq prezidenti Ilkka Kanerva ma'lum qildi.
"Aslida, men hozircha YeXHT kuzatuvchilari hisobotini ko‘rmadim, biroq menga ma'lum bo‘lishicha, bir nechta qoidabuzarlik bo‘lgani ma'lum qilingan, biroq ular tegishli doiradan tashqariga chiqmaydi", deb aytdi Kanerva.
Kanervaning aytishicha, u "qandaydir yirik hodisalar, misol uchun, qandaydir turdagi kiberhujumlar" bo‘lganini eshitmagan.
"Donald Tramp – yangi prezident va buni o‘zgartirib bo‘lmaydi", deb o‘z so‘zlarini nihoyaladi Kanerva.
