Turkiya Brexit’dan keyin Buyuk Britaniya bilan savdo kelishuvi imzolashga tayyorligini bildirdi

Turkiya Buyuk Britaniya Yevropa Ittifoqini tark etgandan keyin bu mamlakat bilan keng miqyosdagi savdo kelishuvini amalga oshirishga tayyor, deb aytdi Turkiya iqtisodiyot vaziri Nixat Zaybekchi. Bu haqda Reuters axborot agentligi xabar bermoqda.

"Biz Britaniya Yevropa Ittifoqini tark etishi bilanoq ikki davlat o‘rtasida (Turkiya va Buyuk Britaniya) keng ko‘lamli savdo kelishuvini amalga oshirishga qaror qildik", deb ma'lum qilgan Zaybekchi. Vazir kelishuvning tafsilotlarini tushuntirmagan.

Iyunda Buyuk Britaniyada Yevropa Ittifoqidan chiqish bo‘yicha referendum o‘tkazilgandan so‘ng, Zaybekchi Turkiya Buyuk Britaniya bilan aloqalarni saqlab qolish uchun tegishli qadamlar qabul qilishiga va'da bergan.