11 noyabrda Los-Anjyeles aeroportida Xitoyning China Southern Airlines aviakompaniyasiga tegishli Airbus A380 yo‘lovchi samolyoti shatakka oluvchi mashina bilan to‘qnashib ketdi.
Xitoyning CCTV telekompaniyasi tvitterda ma'lum qilishicha, noodatiy vaziyat samolyot parvozi oldidan yuz berdi.
"Sinminvan" sayti ma'lumotlariga ko‘ra, samolyot CZ0328 reysi bilan Xitoyning Guanchjou shahriga uchishi kerak bo‘lgan. Ta'kidlanishicha, samolyot old shassisining tayanchi bilan shatakka oluvchiga urilgan va oqibatda uni majaqlab yuborgan.
Jabrlanganlar haqida ma'lumot kelib tushmagan.
