Foto: News.tj
Tojikiston parlamenti 2017 yilga mo‘ljallangan davlat byudjyeti bo‘yicha qonun loyihasini muhokama qilmoqda. Bu haqda Tojik telegraf agentligi xabar qilmoqda.
Unga ko‘ra, kelasi yilgi davlat byudjyetining umumiy miqdori 19 mlrd 568,6 mln somoni (2 mlrd 486,4 mln AQSh dollari) bo‘lishi kutilmoqda. Bu joriy yildagi davlat byudjyetidan 1 mlrd 718 mln somoni (218,2 mln dollar)ga ko‘p demakdir.
Davlat byudjyetining xarajati 19 mlrd 863 mln somonini tashkil etadi, shundan 8 mlrd 286 mln somoni ijtimoiy sohani rivojlantirishga yo‘naltiriladi.
