Texnika xavfsizligiga rioya etilmagani bois Jizzaxdagi korxonalardan birining ishchisi halok bo‘ldi

Jizzax shahrida Master dilding products MChJ shaklidagi O‘zbekiston-Xitoy qo‘shma korxonasi faoliyat ko‘rsatadi. Ushbu korxonada Jizzax tumanida yashovchi Zohid Tojiboyev sex ustasi vazifasida ishlardi. Korxonada texnika xavfsizligiga rioya qilish bo‘yicha mas'ul shaxs hisoblangan Z.Tojiboyev o‘z vazifasiga mas'uliyatsizlik qildi. Bu haqda “Huquq” nashri yozmoqda.

Xavfsiz mehnat qilish qoidasining to‘g‘ri tashkil etilmagani oqibatida sex ishchisi Shahzod Quvvatov ish jarayonida og‘ir tan jarohati olib, vafot etdi. 
Ishni ko‘rib chiqqan sud Z.Tojiboyevga 3 yil muddatga axloq tuzatish ishlari jazosini tayinladi.