Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Япон аскарлари 70 йилдан бери илк маротаба хорижга жанговар вазифа бажаргани юборилдилар
22:40 / 21.11.2016
8092
Фото: Yuya Shino / Reuters

Япон аскарлари Иккинчи жаҳон урушидан бери илк маротаба хорижда қурол ишлатиш ва жангда иштирок этишни кўзда тутувчи миссияда иштирок этишади. Бу ҳақда Reuters ахборот агентлиги хабар бермоқда.  

Токио Жанубий Суданга тинчликпарвар кучларини жўнатди. Япония мудофаа кучларининг 350 аскари бу давлатда инфратузилма объектларини барпо этиш билан шуғулланади. Ахборот агентлигининг маълум қилишича, 2015 йилда Япония қонунчилигига киритилган тузатишлар ҳарбийлар мажбуриятларини анчагина кенгайтирди. Энди агар БМТ миссияси ходимлари ёки гуманитар ишчилар ёрдамга шошилинч чақиришса, япон ҳарбийлари уларга ёрдамга боришларига тўғри келади. Шунингдек, япониялик тинчликпарвар аскарлар кўпинча адоватдаги томонларнинг нишонига айланадиган базаларни қўриқлашга жалб қилинишлари ҳам мумкин.

Япония мухолифати ҳукуматнинг бу қарорини кескин танқид қилган.

 


Улашинг
Top