Erdo‘g‘an Klintonni Gulen bilan aloqadorlikda aybladi

Turkiya prezidenti Rajab Erdo‘g‘an Isroilning “Kanal 2” telekanaliga bergan intervyusida AQSh prezidentligi saylovida Demokratlar partiyasidan o‘z nomzodini ilgari surgan Hillari Klintonni Fathulla Gulenning FETO tashkiloti bilan aloqasi borlikda ayblab, tanqid qildi. Bu haqda Anadolu xabar bermoqda.

«Klintonning saylovoldi kampaniyasi qaysi manba evaziga moddiy ta'minlandi? Ayni paytda Turkiya bilan kurash olib borayotgan FETO tashkiloti Demokratlarga jiddiy yordam ko‘rsatadigan tuzilmalardan biridir», — dedi u.
Erdo‘g‘anning so‘zlariga ko‘ra, Donald Trampning prezident bo‘lishi AQSh hayotida yangi davr boshlab beradi.
Uning ta'kidlashicha, Tramp musulmonlarga nisbatan agressiv siyosat olib bormaydi.