Apple kompaniyasining smartfonlar savdosidan tushgan umumiy daromaddagi ulushi rekord darajaga yetdi

Apple kompaniyasining 2016 yil 3-chorakda butun dunyo bo‘ylab smartfonlar savdosidan tushgan umumiy daromaddagi ulushi rekord darajadagi 91 foizga yetdi, deb xabar bermoqda Strategy Analytics tadqiqot kompaniyasi.

Ko‘rilayotgan davrdagi global operatsion daromad 9,4 mlrd dollarni tashkil qilgan. Undan 8,5 mlrd dollari aynan Apple’ga tegishlidir.

Bu borada 2-o‘rinni 2,4 foiz va 0,2 mlrd dollar bilan Huawei egalladi. Bu kompaniya birinchi marta Android operatsion tizimida ishlovchi smartfon sotuvchi eng serdaromad kompaniya bo‘ldi.  

Undan keyingi o‘rinlarni Vivo va Oppo egalladi. Shu tariqa Xitoyning 3 ta kompaniyasi smartfonlar sotuvchi eng serdaromad kompaniyalar qatoridan joy olgan.   

Avvalroq 2016 yil 3-chorakda sotilgan 10 smartfondan  9 tasi Android’da ishlovchi smartfon bo‘lgani ma'lum qilingandi.