«Olmaliq»dan bo‘shatilgan Shkvirin «Paxtakor»ga bosh murabbiy bo‘lishi mumkin

Bugun 9 yillik faoliyatidan keyin «Olmaliq» futbol klubidan iste'foga chiqarilgani ma'lum bo‘lgan mutaxassis Igor Shkvirin «Paxtakor»ga bosh murabbiy bo‘lib kelishi mumkin. Bu haqda «Tribuna.uz» sayti xabar berdi.

«Olmaliq» jamoasiga Viktor Kumikov bosh murabbiy etib tayinlangani haqida xabar chiqqan. Bu ma'lumot hozircha rasman tasdiqlamadi.

Qayd etish kerakki, Igor Shkvirin futbolchilik faoliyatining katta qismini «Paxtakor»da o‘tkazgan. U toshkentliklar jamoasida 2002 yilgi mavsumgacha to‘p surgan.

Eslatib o‘tamiz, toshkentliklar jamoasi yakunlangan mavsum davomida bosh murabbiy No‘'mon Hasannovni iste'foga chiqargandi. Uning o‘rniga mavsumning qolgan qismida jamoani yordamchi murabbiy Grigoriy Kolosovskiy boshqardi.