"Shapekoense" jamoasi aviahalokati tufayli Janubiy Amerikada xalqaro o‘yinlar bekor qilindi

KONMeBOL rasmiy sayti orqali o‘z homiyligida o‘tadigan barcha xalqaro turnirlar bekor qilinganini bildirdi. Jumladan Janubiy Amerika Kubogi finali ham.

Tashkilot Kolumbiyada Braziliyaning "Shapekoense" jamoasi halokatga uchragani munosabati bilan hamdardlik bildirgan.

Konfederatsiya prezidenti Alexandro Dominges ayni vaqtda hodisa ro‘y bergan Medelinga yo‘l olgan.

Futbolchilar Kolumbiyaning Medelin shahriga Kopa Sudamerikana turnirining birinchi finalida ishtirok etish uchun yo‘l olgandi.

Dastlabki ma'lumotlarda samolyotda 27 futbolchi bo‘lgani aytilgandi. Shuningdek, samolyotga kamida 15 nafar jurnalist chiqqandi.