Istanbulda sisternali avtomobil portladi, qurbonlar bor

Istanbulning Buyukchekmejye tumanida neft mahsulotlari bo‘lgan avtosisternaning portlab ketishi oqibatida bir kishi halok bo‘ldi, ikki nafar inson jarohatlandi, deb xabar bermoqda Cumhuriyet.

Avvalroq, turk OAVlari tankerdagi portlash haqida xabar tarqatgandi, biroq bu axborot tasdiqlanmadi.

Taxminiy ma'lumotlarga ko‘ra, hodisa payvand qilish ishlari vaqtida sodir bo‘lgan. Voqea joyiga o‘t o‘chirish xizmati xodimlari va tez yordam mashinalari kelishi davom etmoqda.