AQSh “Tolibon” harakatini yo‘q qilish holatida emas, Afg‘onistondagi xavfsizlik kuchlariga bu mamlakatda tinchlik o‘rnatishga yordam bera olmaydi. Bu haqda 6 dekabr kuni AQSh prezidenti Barak Obama aytib o‘tdi.
"Afg‘onistondagi vaziyat og‘irligicha qolmoqda, u yerdagi urush 30 yildan beri davom etmoqda. AQSh urushni tugatish uchun “Tolibon”ni yo‘q qila olmaydi. Ammo biz “Al-Qoida” u yerda jangarilarga boshpana berishiga to‘sqinlik qilishimiz va bu borada afg‘on xavfsizlik kuchlariga yordam berishimiz mumkin", — dedi Obama Floridada terrorizmga qarshi kurash haqida nutq so‘zlar ekan. Prezidentning chiqishini Oq uy sayti translitsiya qilib turibdi.
Obamaning tasdiqlashicha, ayni damda Afg‘onistonda “10 mingga yaqin amerikalik harbiy xizmatchi” bor. Prezidentning ma'lum qilishicha, ular afg‘on xavfsizlik kuchlariga tayanch bo‘lmoqda.
