Iroq g‘arbiga berilgan havo zarbalarida 60dan ziyod kishi halok bo‘ldi

Oltmishdan ortiq odam, jumladan, 19 bola va 12 ayol Iroqning IShID terrorchilari nazorati ostida bo‘lgan Al-Kaym shahriga berilgan aviazarba oqibatida halok bo‘ldi.
Iroq parlamenti vakilining ma'lum qilishicha, havo zarbasini mamlakat aviatsiyasi yo‘llagan. Ammo Iroq hukumati va harbiylari mazkur ma'lumotni tasdiqlashmagan.
Zarbalar shaharning markaziga yo‘llangan. Ma'lum qilishlaricha, jangarilar shtabi vazifasini o‘tab kelayotgan masjid va bir qancha turar-joy binolari vayron bo‘lgan.