Ozarboyjonda osma ko‘prikning qulashi oqibatida 10 nafar neftchi bedarak yo‘qoldi

Kaspiy dengizidagi 3-raqamli neft yig‘ish punktida yo‘l tepasiga qurilgan ko‘prikning qulashi oqibatida o‘n kishi bedarak yo‘qoldi. Bu haqda Ozarboyjon davlat neft kompaniyasi saytida xabar berilgan.

«15 dekabr kuni soat taxminan 5.00 da kuchli shamol sabab (soniyasiga 41 metr) dengizga osma ko‘prikning 150 metr uzunlikka ega bo‘lgan qismlari qulab tushdi. Voqea natijasida 10 kishi bedarak yo‘qolgan deb hisoblanmoqda», - ma'lum qilishgan kompaniyada.