Britaniyada koinotga kartoshka-go‘shtli pirog uchirildi

Buyuk Britaniyaning Uigan shahrida 20 dekabrda piroglarni yeyish bo‘yicha o‘tkaziladigan chempionat sharafiga koinotga meteozondga mahkamlangan kartoshka-go‘shtli pirog uchirildi.

Bu antiqa tajriba mualliflari shu tariqa pishiriqning molekulyar tuzilishi 30 km balandlikda qanchalik o‘zgarishini tekshirib ko‘rishga qaror qilishgan. Kameraga ega zond koinotga sayohatdan keyin Yerga muvaffaqiyatli qaytdi va endi pirog chempionat vaqtida tatib ko‘riladi.