Foto: Ispaniya politsiyasi qochqin yigitni chamadon orqali chegaradan olib o‘tmoqchi bo‘lgan ayolni qo‘lga oldi

Ispaniya politsiyasi marokashlik ayolni qo‘lga oldi. Daily Mail xabariga ko‘ra, u chegaradan chamadonga kirib olgan 19 yoshli gabonlik yigitni olib o‘tmoqchi bo‘lgandi.

Qayd etilishicha, bu hodisa Marokash bilan chegaradosh Seuta anklavida ro‘y bergan. Seuta va yana bir boshqa Melilya anklavidan afrikalik qochqinlar Yevropaga o‘tib olish uchun harakat qilishadi. Ko‘p hollarda qochqinlar suvdan suzib o‘tishga yoki chegarada o‘rnatilgan 6 metr balandlikdagi to‘siqlarni buzishga urinishadi.