Video: Portugaliyada futbolchiga yana qanday harakat uchun qizil kartochka ko‘rsatiladi?

Portugaliya ligasi kubogi doirasida kechgan «Portu» va «Moreyrense» jamoalari uchrashuvi vaqtida noodatiy voqea yuz berdi.

«Portu» yarimhimoyachisi Danilu Pereyra 3 daqiqa ichida ikkinchi sariq kartochkani olib, maydonni tark etdi.

Dastlab u raqibini turtib yiqitgani uchun 76-daqiqada ogohlantirilgandi. Oradan uch daqiqa o‘tgach, bosh hakam Luish Godino bilan tasodifan to‘qnashib ketdi va hakam unga ikkinchi marta sariq kartochka ko‘rsatdi.

Yakunda «Portu» 0:1 hisobida yutqazib, musobaqani tark etdi.