Server Jyeparov «Lokomotiv» klubi bilan xayrlashdi

Toshkentning «Lokomotiv» klubi yarimhimoyachisi Server Jyeparov jamoani tark etishi aniq bo‘ldi. Bu haqda klubdagi manbalardan biri Tribuna.uz saytiga ma'lum qilgan.

«Server Jyeparov rostan ham jamoani tark etdi. Kecha u futbolchilar va klub vakillari bilan xayrlashdi», deydi «Lokomotiv» xodimi.

Eslatib o‘tamiz, oldinroq Jyeparovga Eronning «Istiqlol» jamoasi qiziqish bildirayotgani va unga 1,5 yillik shartnoma taklif qilgani haqida xabarlar tarqalgandi.