Turkiyaning Diyorbakir shahrida portlash ro‘y berdi, qurbonlar bor

Turkiya janubi-sharqidagi Diyorbakir shahrida portlash sodir bo‘ldi. NTV telekanali xabariga ko‘ra, bu hujum oqibatida 3 politsiyachi halok bo‘lib, yana 3 nafari jarohatlangan.

Portlash qo‘lda tayyorlangan qurilma orqali amalga oshirilgan. Bu hodisa shaharning Sur tumani hududidagi mahalliy universitet kampusi oldida ro‘y bergan.

Bu hududda bir necha oylardan buyon Turkiya huquq-tartibot organlari xodimlari tomonidan Kurdiston ishchilar partiyasi tashkilotiga qarshi aksilterror amaliyot olib borilmoqda edi.