Xitoy yetakchisi global iqtisodiyotni "adog‘i yo‘q" okeanga qiyosladi

Xitoy yetakchisi Si Tszinpin zamonaviy global iqtisodiyotni "chiqib bo‘lmaydigan" okeanga qiyosladi.

"Sizga yoqadimi-yo‘qmi, global iqtisodiyot siz chiqa olmaydigan adog‘i yo‘q okeandir", deb aytdi Si Tszinpin Davosdagi Butunjahon iqtisodiy forumida.  

U shu bilan birga Xitoy globallashuv jarayonlari okeanida "suzishga o‘rganib olganini" aytdi. Uning aytishicha, bunda unga iqtisodiyotni rivojlantirish strategiyasining to‘g‘ri tanlangani yordam bergan.

"Tarix bizga muammolardan qo‘rqmaslik kerakligini o‘rgatgan", deb qo‘shimcha qildi Xitoy rahbari.