Xitoy suriyalik qochqinlarga deyarli 30 million AQSh dollari ajratadi

Xitoy suriyalik qochqinlarga gumanitar yordam ko‘rsatish uchun 200 million yuan (taxminan 29,2 million AQSh dollari) ajratadi. Bu haqda BMTning Jyenevadagi qarorgohiga tashrif buyurgan Xitoy Xalq Respublikasi raisi Si Tszinpin ma'lum qildi.

"Xitoy boshpanasiz qolgan suriyalik qochqinlarga 200 million yuan miqdorida gumanitar yordam ajratishga qaror qildi", - deya davlat rahbarining so‘zlarini keltirgan Xitoy TIV.

"Terrorchilik, qochqinlar bilan bog‘liq inqiroz va boshqa muammolar geosiyosiy nizolar tufayli kelib chiqdi. Mojarolarni hal etish eng muhim qaror hisoblanadi", - deya xulosa qilgan Si Tszinpin.