Italiyada qor ko‘chkisi ostida qolgan mehmonxonadagi qutqaruv amaliyoti ilk videosi paydo bo‘ldi

Kecha Italiyaning Abrutstso hududidagi Gran-Sasso tog‘li mavzesida joylashgan Rigopiano di Farindola mehmonxonasi qor ko‘chkisi ostida qoldi.

Mehmonxonada 20-30 nafar kishi bo‘lishi mumkinligi xabar qilingan.

Ayni damda tezkor xizmat xodimlari voqea joyida ishlashda davom etmoqda hamda halok bo‘lganlarning jasadini qor uyumlari va vayronalar ostidan chiqarib olmoqda. Tabiiy ofat sabab qurbon bo‘lganlarning aniq soni noma'lumligicha qolmoqda.