«Real»ning yana bir futbolchisi jarohat olib, safdan chiqdi

Madridning «Real» klubi yarimhimoyachisi Xames Rodriges yaqin vaqtlar ichida jamoasiga yordam bera olmaydigan bo‘ldi.

Tribuna.uz yozishicha, Xames o‘ng oyog‘ining mushaklarini shikastlab olgan va endilikda 13-15 kun davomida jamoaga yordam bera olmaydi.

«Oldin uning chap oyog‘ida shunday jarohat bor edi. Endi xuddi shu jarohatni o‘ng oyog‘idan olgan. Ammo bu to‘liq jarohat emas, balki mushaklarning haddan tashqari zo‘riqishi deyish mumkin», – degan madridliklar bosh murabbiyi Zinedin Zidan.

Radio Caracol radiosi bergan xabarga ko‘ra, 25 yoshli kolumbiyalik futbolchining tiklanishi uchun uch haftagacha vaqt ketishi mumkin.